Nape Nnauye anahitaji udhibiti wa kichama wa haraka, atatudhalilisha!

 

Natoa wito wa dharura kwa chama chetu cha Mapinduzi-CCM. Nape Nnauye, Mbunge wa Mtama mkoani Lindi, anahitaji udhibiti na usaidizi wa haraka wa kichama. Leo, ameanza vibaya kwa kuuliza swali lisilo swali. Mara ya kwanza, kosa la kwanza halafu kubwa. Ameuliza swali la kiugomvi na kukwaza. Likakataliwa.

    Alitaka pia kujinasibu kwa kujitambulisha kama asiyejulikana. Hata waliokuwa karibu yake wakamshangaa. Nani asiyemjua Nape pale Bungeni hadi ajitambulishe. Kama si ulimbukeni ni nini? Nje ya Bunge, ameendelea kutamba kwa maneno ya kejeli kwa wapinzani hapa Dodoma.

    Nape hatakuwa Mbunge mzuri kwa kujenga hoja. Atakidhalilisha chama pale zitakapowekwa hoja mezani kujadiliwa na huku chama kikimpa nafasi ya kujinafasi. Atakidhalilisha chama chetu akiachwa aende kombo kama alivyoanza leo. Nape adhibitiwe na kuwa na ushauri wa kichama, hasa kutoka kwa Wabunge wazoevu. Afanyiwe hivyo haraka!

    Mzee Tupatupa wa Lumumba (kwasasa Dodoma)