Msichana afariki kwa ajali ya gari dakika chache baada ya kujipiga selfie hii garini

Msichana wa miaka 26 aliyekuwa aolewe hivi karibuni, amefariki kwa ajali ya gari wakati akielekea kwenye party dakika chache baada ya kupost picha ya selfie (hiyo hapo chini) akiwa garini.

Colette Moreno alikuwa amekaa kwenye kiti cha abiria na rafiki yake alikuwa akiendesha gari hilo lililogongana na lingine. Msichana huyo wa Marekani ameacha mtoto wa kiume wa miaka mitano. “Alikuwa amefurahi sana,” alisema huku mpenzi wake Jesse Arcobasso wa Missouri, ambaye anasema walikuwa wana mipango ya ndoa.

Collette Moreno na mpenzi wake Jesse Acrobasso

Dereva, Ashley Theobald, alikuwa akienda na rafiki yake kwenye party kabla ya harusi ambapo Colette alijipiga picha hiyo wakiwa njiani. Dakika chache baadaye, Ashley alisema alikuwa akijaribu kulipita lori na Colette, aliyekuwa na ugonjwa wa pumu alikuwa akikohoa kutokana na moshi wa barabarani. Kwa mujibu wa msichana huyo, kulikuwa na gari kubwa inakuja mbele yao ambayo hawakuiona na kuivaa. Ashley alipata majeraha kidogo.
Wapenzi hao walikuwa wamepanga kufunga ndoa mwezi ujao nchini Jamaica.